從經驗得知，女客人一般會比男士享受按摩，因為一來可以令肌膚更緊緻，二來又可以借機攤抖下，放空心神，揼完個骨好似差足電咁。但係女仔係揀男按摩師既時候有咩要注意呢？等我作為行內人分享三個小錦囊俾你 :)
Tip 1. 要搵有耐性跟你進行良好溝通既師傅，同佢講清楚你既底線
女仔一般都會比較害怕被陌生人接觸身體，一個有良好溝通技巧既男按摩師就會係見面之前，先詢問好被按對象既喜好，大力/細力，鐘意被按邊度，唔可以按邊度。妳亦應該唔得係呢個時候，同按摩師講出妳既要求。因為妳作為客人，係絕對有權去提出你既底線。如果係同按摩師溝通既期間，你發現佢好性急，或者一味只催促你出黎見面，呢個好大機會就係一個唔好既按摩師，要避之則吉。
另外，有良好溝通技巧亦有助於係見面既時候，減低你既緊張同不安。令你更快進入狀態，讓按摩充分舒緩你緊張既情緒。情況就好似你去剪頭髮咁，如果個師傅係黑口黑面，講野無尾音既，你成個體驗都會大打折扣啦。
Tip 2. 搵有較多背景資料供參考既按摩師 (網站，Blog，社交媒體)
一般女性客人都會驚遇到按摩師係奇怪大叔，或者係內地大叔師傅。所以如果按摩師係有自己網頁，或者 Blog，入面有提及佢既一啲背景資料以至佢既內心想法，工作上既趣事分享，作為客人既妳就可以放心一啲。而且男按摩師肯咁樣去花時間同心機，已經起碼代表左佢係認真對待自己既工作，亦都可以確保佢有上面提到既溝通手腕，唔會係純粹想呃妳出黎既按摩師。
Tip 3. 搵著重安全與保密既按摩師
由於女仔會同男按摩師共處一個房間，如果係交談中，你感覺到按摩師語言間唔似係一個施文人，係同你未熟落既情況下，同你講一啲黃色笑話。又或者佢 IG 成個 profile 都係關於 xx 既資訊，呢啲都係一啲紅色警號，呢個按摩師可能好大機會心有邪念，你應該敬而遠之。作為一個對按摩工作認真既按摩師，係絕對唔會做以上既東西。
另外，如果你發現按摩師係交談中，好輕易就將其他客人既資料講你知，你都應該小心。因為你都唔會想有一日，佢會向其他人講妳自己既資料嘛。
分享就暫時黎到呢度，如果你預約我既服務，歡迎妳去我網頁留低妳既資料，我會盡快跟你聯絡﹗
Comments